Dark Side

Já, mbl.is er fræg fyrir svona titlar.

Í fyrsta lagi voru stúlkan og flugeldarnir ekki allt á opnunarhátíðinni!

En í sambandi við flugeldana, lesið varlega síðustu setninguna:

"Einn af skipuleggjendum hátíðarinnar hefur sagt að flugeldarnir hafi verið ekta en ekki hafi þótt öruggt að kvikmynda þá og því hafi verið gripið til þess ráðs að búa þá með tölvu í staðinn."

Skoðið t.d. eftirfarandi vídeó. Örugglega tölvugert líka, er það ekki?

	Allt í plati í Peking
Ábyrgðarmaður færslu Tilkynna um óviðeigandi tengingu við frétt

1) Stúlkan byrjaði að synda þegar hún var 6 ára...

Skv. fréttinni er stúlkan 10 ára núna svo hún hefur æft sund í hátt fjögur ár.

2) Hún synti 2-3 km vegalengd í fljótinu...

Segjum að hún hafi synt 2,5km en þetta eru þá 50 ferðir í 50 metra laugum. Þvílíkt þol.

3) ...synda í kaldri á í suðurhluta Kína.

Í suðurhluta Kína er hitastigið á þessum tíma í kringum 26° til 30°.  Hvað getur áin þá verið köld? Kaldara en Viðeyjarsundið þar sem íslenskir sundgarpar synda í?

4) ...hann hefði sjálfur synt með dóttur sinni.

Áin er þá vel syndanleg. 

5) ...stúlkuna hafa fengið hugmyndina eftir að hafa séð sund af þessu tagi í sjónvarpsþætti.

Höfrungasund er ekki nýtt af nálinni.

6) ...svo hún geti látið þann draum sinn rætast, að synda yfir Ermarsundið.

Æfingin skapar meistarann. Ekki var Örn Arnarson fæddur sundkappi?

Og þá spyr ég bara, eru miklar líkur á því að hún drukkni eftir 4ra ára æfingu? Heldur fólk virkilega að pabbinn hefði bundið hana ef hann treysti henni ekki? Heldur fólk að hann sé umhyggjulaus geðsjúklingur sem bindur dóttur sína og vona að hún drukkni? Og drukknaði hún? Neihei. En hvað þýðir það þá? Hún er hæfileikarík!

Ég vorkenni bara pabbanum. Kannski var það óþarfi að binda stúlkuna. Með þessu er hann að kalla fordómar yfir sig... 

	Lét 10 ára dóttur sína synda bundna á höndum og fótum
Ábyrgðarmaður færslu Tilkynna um óviðeigandi tengingu við frétt

Það er með ólíkindum hvað menn geta gert í hita leiksins. Halda þeir virkilega að þeir geti tekið lögin í sínar hendur í miðjum fótboltaleik?

Síðasta stóra atvikið sem rataði í fréttirnar var án efa stuðningsmaðurinn sem klæddist rauðri treyju og reyndi að slá til dómara. Í því tilviki var talað um ölvun. En hvað með stuðningsmenn Legia? Er um að ræða hópölvun hér? Eða eru stuðningsmennirnir svona árásargjarnir? Eða kannski getum við eins kennt leikmönnum Legia um fyrir að spila illa?

Það er eins og menn geti aldrei lært af mistökum sem þessum. Ástríðan er góð en best í hólfi.

	Stuðningsmenn Legia létu öllum illum látum
Ábyrgðarmaður færslu Tilkynna um óviðeigandi tengingu við frétt

Goðsögnin Henry er farinn frá Arsenal, þá er þetta loksins endanlega staðfest.

En hvað verður um Arsenal liðið? Wenger hefur verið tregur til að skrifa undir nýjan samning svo mér finnst að brottfar Henrys til Barcelona sé greinilegt merki um það að franski hagfræðingurinn sé að kveðja líka. Ég sé fyrir mér að Wenger fari til Barca enda hefur Rijkaard ekki staðið undir væntingum á nýliðnu leiktíð og menn talað um breytingar. Fréttin um Yaya Toure styður enn frekar staðhæfingu mína enda hefur Wenger verið mikill aðdáandi Yaya, yngri bróðir Kolo Toures miðvarðar hjá Arsenal. Stjórnarmenn Barcelona eru því greinilega að undirbúa komu Wengers til Spánar og vilja eflaust vera á undan Real Madrid í að krækja í stjórann. Ekki má gleyma að Arsenal og Barcelona hafa gert mörg viðskipti, s.s Overmars, Petit, Sylvinho, van Bronckhorst og núna Henry.

Ef Wenger yfirgefur Arsenal þá er ég hræddur um að leikmenn feta í sömu sporin. Það eru því nýir tímar í væntum hjá Arsenal (og Barcelona) og við höfum þegar fengið smjörþefinn af þeim.

Að lokum kemur klísjukennd setning: Það verður fróðlegt að sjá áframhaldið.

	Henry mættur til Barcelona
Ábyrgðarmaður færslu Tilkynna um óviðeigandi tengingu við frétt